Showing posts with label Кино ертөнц. Show all posts
Showing posts with label Кино ертөнц. Show all posts
Monday, October 12, 2015
Wednesday, October 7, 2015
Monday, October 5, 2015
Өнгөрсөн Баасан гарагт буюу аравдугаар сарын 2-нд Мэтт Дэмоны (зохиолын нэр Уотни) гол дүрд нь тоглосон “Марсын иргэн” кино нээлтээ АНУ-д хийжээ.
Энди Уэйрын бэстселлэр, уран зөгнөлийн зохиолоор хийсэн уг кино тун сонирхолтой бүтээл болсон байна. Кинонд Ангараг гаригт орхигдсон сансрын нисэгчид тохиолдох адал явдлыг үзүүлжээ.
Удахгүй Монголын үзэгчдэд хүрэх энэ киног үзэхээс өмнө дараах ойлголтуудыг авсан байвал илүү сонирхолтой, бүрэн ойлгомжтой болох юм.
- Ангарагт хэрхэн хүрэх вэ?
Кино эхлэхдээ Ангараг гариг дээр үйл явдал шууд өрнөдөг. Гэвч хүн төрөлхтөн энэ гаригт хэрхэн хүрэх боломжтой тухай эхлээд мэдэх хэрэгтэй.
Өнөөгийн бидний технологиор Ангараг руу аялахад 6-8 сар зарцуулахыг NASA тооцоолсон байгаа. Кинон дээр Уотни болон түүний баг уран зөгнөлийн бүтээл болох Hermes хэмээх хөлгөөр Ангарагт хүрдэг. Ийм удаан хугацаанд жингүйдлийн нөхцөлд аялахад сансрын нисэгчдэд булчингийн массаа алдах, яс сийрэгжих гээд олон асуудал тулгарах тул аюулгүй тээвэрлэгч Hermes шиг хөлөг бүтээхэд маш өндөр зардалтай болох гэнэ.
Мөн сансар огторгуй маш олон янзын хорт цацрагаар дүүрэн байдаг нь хүний эрүүл мэндэд муу нөлөөтэй байдаг.
Энэ бүгдээс хамгаалсан нөхцөлтэй хөлөг бол кинон дээр гардаг Hermes юм. Одоогоор NASA ийм хөлөг бүтээхээр ажиллаж байгаа ч үр дүнд хүрэхийн тулд урт хугацаа шаардахаар байгаа юм.
- Ангараг дээр амьдрах…
NASA-гийн өгүүлж байгаагаар:
- Ангараг нь өдрийн турш улаавтар шаргал туяатай харагддаг бөгөөд энэ нь тоостой холбоотой.
- Нар ургах ба жаргах үедээ цэнхэр өнгөтэй харагддаг нь бараг агаар мандалгүйтэй холбоотой.
- Ангарагийн нэг хоног нь дэлхийн хоногоос хэдэн минутын урт байдаг.
- Ангарагийн нэг жил нь манай Дэлхийн хоёр жилтэй тэнцүү. Үүний шалтгаан нь Ангараг нарыг тойрохдоо манай дэлхийгээс илүү хол тойрог замаар аялдагтай нь холбоотой.
- Ангарагийн гадарга дээрх дундаж температур Цельсийн -62 хэм. Өвөлдөө энэ нь -126 хэм хүрдэг бол зун нь +20 хэм орчим хүрдэг аж.
- Ангараг дээрх татах хүч Дэлхийн татах хүчний 40 хувьтай тэнцүү. Тиймээс хүний жин 60 хувь хөнгөн болно. Гэхдээ Саран дээрх шиг ойж буухаар биш.
- Ангараг нь бараг агаар мандалгүй. Манай дэлхийн агаар мандлын нягтын дөнгөж нэг хувьтай тэнцүү. Тиймээс гадаргыг сансрын хорт туяанаас хамгаалах маш хэцүү.
- Шороон шуурга нэг удаа дэгдэхдээ тус гаригийг хэдэн өдрийн турш бүрхдэг.
- Ангарагийн шороон шуурга
Ангараг дээр үе үе шороон шуурга дэгддэг. Заримдаа энэ нь цахилгаан цахилах хэмжээнд хүрнэ. Маш нимгэн агаар мандалтай тул ийм шороон шуурга хүчтэй гамшиг учруулдаг. Бүр 160 км/цаг хурдтай шуурдаг байна.
- Ангараг дээрх цаг хугацаа
Өөр тойрог зам, эргэлтийн хурдтай тул Ангараг нь манай дэлхийгээс өөр цаг хугацааны хэмжүүртэй. Ангарагийн нэг хоног манай Дэлхийнхээс 40 минут урт болдог. Тиймээс кинон дээр Solar day буюу “sol” хэмээх нэгж ашигладаг. Энэ хэмжүүрийг одоо ч NASA ашиглаж Ангараг дээрх судалгаагаа явуулдаг байна.
- Ангараг дээрх оромж
Асар майхан хэлбэрийн оромжинд Ангарагийн зочид ихэнх цагийг өнгөрөөдөг ба Mars Lander habitat буюу товчоор “hab” гэж нэрлэдэг.
NASA одоо яг ийм оромжны туршилтын загварыг бүтээж байгаа ба энэ нь хүчилтөрөгчийн хангамж, усан хангамж, агаар түгжигч зэргээр тоноглогдсон байх юм. Мөн NASA саяхан ийм оромжны 3 хэмжээст загварын уралдаан зарлаад байгаа гэнэ.
- Ангараг дээр ургамал тариалах
Кинон дээр Уотни хүнсэнд хэрэглэх төмсийг арчлан ургуулж, хүний ялгадсаар бордож байгаа нь гардаг. Ангарагийн хөрсөнд ингэх боломж байхгүй гэдгийг судлаачид баталдаг.
Гэхдээ NASA сансарт ургамал тариалах тал дээр амжилтаа ахиулсаар байгаа. Энэ оны эхээр Олон улсын Сансрын Станц дээр сансрын нисэгчид анх удаагаа жингүйдлийн орчинд ногоон сонгино ургуулах туршилт хийсэн юм.
- NASA-гийн Плутоний баттерей
Кинон дээр Уотни радио идэвхит цахилгааны үүсгүүр хэрэглэж байгаа гардаг. Үүнийг Radioisotop Thermoelectric Generator (RTG) гэдэг бөгөөд урт хугацааны сансрын аялал хийхэд үүнийг ашиглахаар NASA найдлага тавьж байгаа.
RTG бол радио идэвхит плутониум-238 материалаар хийгдсэн баттерей юм.
Плутониум нь байгалиасаа байнга задарч урвалд орж байдаг тул үргэлжийн халалт явагдаж байдаг. Харин түүний гадна талын сав нь энэ халалтыг цахилгаан эрчим хүч болгон хувиргах зарчимтай.
Мэргэжилтнүүдийн баталж байгаагаар Плутониум-238 нь цөмийн зэвсэгт ашиглах боломжгүй. Халалт явагддагаас бусдаар бол тийм ч аюултай эд биш гэнэ.
- Ангараг, Дэлхий хооронд холбоо барих
Ангарагт Дэлхийгээс мессэж илгээхэд 15-20 минут зарцуулдаг. Холбооны радио сигнал гэрлийн хурдаар яваад хүрч байгаа хурд нь энэ юм.
Ангараг, Дэлхийн хооронд 225 сая километр зайтай. Гэрлийн хурд 300 сая м/секунд орчим. Киноноос энэхүү физикийн хуулийг хэрхэн хэрэгжиж байгааг харж болох юм.
- NASA-гийн Ангарагт илгээсэн хөлгийн тухай
Кинон дээр Уотни NASA-тай холбоо барих аргагүй болсны дараа 1990-ээд онд NASA-гийн Ангарагт илгээж байсан Pathfinder хөлгийг ухаж олж байгаа нь гардаг. Бодит амьдрал дээр ийм хөлөг NASA илгээж байжээ.
Тэр уг хөлгийн роботыг засаж ажилд оруулаад Дэлхий дээр байгаа ижил загвараар нь дамжин NASA-тай холбогддог байна.
Бодит амьдрал дээр NASA бүтээсэн хөлөг бүрийнхээ яг ижил загварыг давхар бүтээж, хөөрсөн хувилбар дээр асуудал үүсэхэд ашиглаж алдааг нь олдог аж.
NASA-гийн хэлж байгаагаар бодит амьдрал дээр, Pathfinder-ын ижил загвар нь дэлхий дээр хадгалагдаж байгаа ч холбоо барихын тулд түүний “тоосыг нь арчиж асаах хэрэгтэй” гэсэн байна.
Онолын хувьд кинон дээрх шиг үйл явдал өрнөх боломжтой гэнэ.
- NASA-гийн Jet Propulsion Lab-ын жинхэнэ түүх
Уг киноны гол хэсэгт Caltech-ын хэсэг оюутан дотуур байрандаа санаандгүй дэлбэрэлт хийсний дараа NASA-гийн Jet Propulsion Lab лабораторийг байгуулж байгаа тухай гардаг.
Энэ бол үнэн түүх. 1930-аад оны үед “пуужингийн залуус” нэртэй хэсэг оюутан өөрсдийн пуужинг туршиж байгаад дотуур байраа дэлбэлжээ. Үүний дараа тэд Caltech-ын оюутны хотхоноос хөөгдөж, өөрсдийгөө “Амиа хорлогсдын клуб” гэж нэрлэх болсон байна.
Азаар тэд энэ нэрээ батлан харуулаагүй бөгөөд маш сайн пуужингийн зохион бүтээгчид болжээ. Сүүлдээ тэд Caltech-тээ эргэн ирээд дараа нь дахиж гарахдаа харин өөрийн лабораторийг байгуулахаар явжээ. 1940-өөд онд тэд санхүүжилт олж албан ёсны нэрээ авсан нь Jet Propulsion Lab юм байна.
Эх сурвалж: Techinsider
Алдарт Жеймс Бонд цувралын 26 дугаар анги “Spectre” удахгүй дэлгэцэнд гарах гэж байна.
Гол дүрд нь дөрөв дэх удаагаа Английн алдарт жүжигчин Даниэл Крэйг тоглосон бол дүрүүдэд Италийн үзэсгэлэнт жүжигчин Моника Беллучи болон Оскарын шагналт Австрийн жүжигчин Кристофер Валтз нар тоглож найруулагчаар нь Сэм Мэндэс ажиллажээ.
Spectre кампанит ажлын хүрээнд, Heineken шинэ ТВ реклам гаргасан бөгөөд үүнд Даниэл Крэйг буюу Жеймс Бонд завь жолоодон асар хурдтайгаар дайснаасаа зугтааж байгаагаар гардаг. Heineken тус рекламд Spectre-д ажилласан мэргэжлийн зураглаач, орлон тоглогчдыг ашиглан гүйцэтгэсэн нь киноны бодит хэсэг мэт сэтгэгдэл төрүүлнэ.
Зара хэмээх залуухан бүсгүй санаандгүйгээр хөөцөлдөөний нэг хэсэг болж Бонд-д туслаж байгаа нь сонирхолтой нугалаа болжээ.
Spectre нь Жеймс Бонд болон Heineken брэндийн түншлэлийн 7 дахь цуврал болж байна. Spectreкампанит ажил нь Heineken-ы хувьд 2015 онд дэлхий даяар өрнүүлж байгаа хамгийн том маркетингийн ажиллагаа юм.
Жеймс Бонд болон Heineken брэнд анх 1997 онд түншлэлээ Tomorrow Never Dies киногоор эхлүүлэн 17 дахь жилдээ тууштай хамтарч байна.
Wednesday, September 30, 2015
Нэгэн гэр бүл хүмүүсийг мангас болгож хувиргадаг тахал тархаж буй талаар дуулан газар доорх хоргодох байранд 301 өдөр байрласан байдаг. Энэ олон хоногийн дараа тэд яг юунаас хорогдсон юм бол?
.HDRip.XViD/pay-the-ghost_612x380.jpg)
Tuesday, September 29, 2015
Нэгэн сонирхолтой кино хөлбөмбөгийн ертөнцөд мэндэлхэд ойрхон байна. Ирэх 11-сарын 9-нд C.Ronaldo-н түүнээс сэдэвлэсэн баримтат кино гарна. Мэдээж Ronaldo уг кинонд өөрөө тоглосон ба 14 сарын хугацаанд кино бүтээгджээ.
Monday, September 28, 2015
1980-аад онд хүүхэд байхдаа бид видео тоглоомоор дэлхийгээ зөндөө л авардаг байсан. Гэтэл харь гаригийнхан тэр видео тоглоомын дүрүүдийг загварчилан дэлхийрүү дайрлаа. Багадаа хамт тоглодог байсан найзууд жинхэнээсээ дэлхийгээ аварах хэрэгтэй боллоо.
Sunday, September 27, 2015
Хэллоуины баяраар хүүгээ ор сураггүй алдсаны 1 жилийн дараагаар Майк Коул түүний ойлгохгүй байгаа аймшгийн зураг бичвэрийг цуглуулан учрыг нь олохоор эрэлхийлнэ. Гэвч түүний салсан эхнэр учир утгагүй домогт зүйлийг орхин хүүг тайван нойрсуулахыг түүнээс хүсэх болно.
Saturday, September 26, 2015
Дэлхийн сүйрлийн дараах үед нэгэн комик номонд дуртай хөвгүүн түүний дуртай баатрын дүрд хувиран түрэмгий хааны эсрэг тэмцэх болно.
Нэгэн жижиг тосгоны цагдаагийн машиныг 2 хүүхэд тоглож байгаад хулгайлах бөгөөд гэмт хэрэгт орооцолдсон бохир цагдаа машинаа хайн тэднийг мөшгөж эхэлнэ.
Thursday, September 24, 2015
6.2
Зуны амралт Гэр бүлийнхээ харилцааг сайжруулах, ойрдоо ойлголцохоо болиод байгаа хүүтэйгээ учираа олохын тулд өрхийн тэргүүн зуны амралтаараа гэр бүлээрээ зугаалахаар аялалд гарна. Аялах хооронд юу эс тохиолдох билээ.
Өнгөрсөнд хадгалагдах нууцыг зөвхөн түүний сураггүй алга болсон эцэг тайлах ёстой бөгөөд генетикийн түвшинд сайжруулсан төгс хүн бүтээж зэвсэглэлд ашиглахаар засгийн газрын нууц алба ч мөн тэднийг ангуучлах болно.
Tuesday, September 22, 2015
Боломжгүй зүйлийг болно гэдэгт, гичний үрээр ч уулыг хөдөлгөж чадна гэдэгт, дайнд сураггүй алга болсон аавыгаа ирнэ гэдэгт итгэдэг бяцхан жаалын тухай өгүүлэх болно.
