Тулааны үеэр 14 террорист оргон дутаасан байна. Гэвч тэднийг Исламын улсын террористууд барьж аван Шаркат тойрогт цаазалжээ. Тэдний толгойг таслан хаясан байна.
Ирак, Сирийн нутгийг булаан эзэлсэн "Исламын улс"-ын террористууд үймрэн сандарч эхэлсэн талаар эх сурвалж мэдээллээ. Энэ нь Оросын байлдааны онгоцуудын бөмбөгдөлт болон ойролцоох улс орнуудын арми нэгдэн хамтран байлдаж байгаатай холбоотой гэнэ.
Ойрхи Дорнодын тэргүүлэгч орнууд хүчээ нэгтгэн "Исламын улс" террорист байгууллагын эсрэг тэмцэж байгаа билээ. Түүнчлэн Ираны арми, "Хезболла"-гийн дайчид, Сирийн Засгийн газрын цэргүүд удахгүй Алеппо хотыг чөлөөлөхөөр бэлдэж байна.
Тэднийг агаараас Оросын байлдааны онгоцууд дэмжих бөгөөд Арабын орнуудын цэргийн хүч газар дээрх үйл ажиллагааг хариуцах гэнэ. Харин Америк ямар нэг байдлаар Сирид оросуудтай хамтран ажиллахаас татгалзжээ, саяхан Орос, Америкийн байлдааны сөнөөгч онгоцууд Сирийн тэнгэрт мөргөлдөх шахсаныг ч үл тоон.
0 comments:
Post a Comment